iOS 27'dagi yangi xavfsizlik funksiyasi firibgarliklarni qanday aniqlaydi

Apple kompaniyasi rasman taqdim etgan iOS 27 operatsion tizimi foydalanuvchilar xavfsizligini ta'minlashga qaratilgan bir qator muhim yangiliklarni o'z ichiga oladi. Ular orasida eng e'tiborga moligidan biri — bu firibgarlikning oldini olishga mo'ljallangan Impersonation Risk Detection (O'zini boshqa shaxs deb ko'rsatish xavfini aniqlash) funksiyasidir. Ushbu vosita Apple ilgari o'rganmagan yangi yo'nalishda ishlaydi.

Mazkur funksiya foydalanuvchi qandaydir firibgarlik qurboniga aylanayotgan paytda uni o'z vaqtida ogohlantirishga xizmat qiladi. Ko'pincha jinoyatchilar o'zlarini bank xavfsizlik xodimi sifatida tanishtirib, foydalanuvchilarga pul mablag'larini xavfsiz hisobga o'tkazishni yoki parolni o'zgartirishni buyurishadi. Bunday vaziyatlarda oddiy Face ID yoki ikki bosqichli autentifikatsiya har doim ham yordam bera olmaydi.

Qo'llab-quvvatlanadigan ilovalarda pul o'tkazmasini amalga oshirish yoki parolni o'zgartirish chog'ida ilova iPhone'dan vaziyatni baholashni so'rashi mumkin. iOS 27 oldingi harakatlar naqshlari, vaqt, kontekst hamda asosiy datchik ma'lumotlarini tahlil qilib, harakatning qonuniyligini aniqlaydi. Apple talabiga ko'ra, funksiya shaxsiy rasmlar, xabarlar yoki pochta xatmiga qaramaydi.

Tahlil natijasida ilova faqat bitta so'zni oladi: Unknown (Noma'lum), Medium (O'rta) yoki High (Yuqori). Agar xavf aniqlansa, iOS tizimi pul o'tkazmasini to'xtatib qo'ymaydi yoki tizimli ogohlantirish ko'rsatmaydi. Xavf darajasi ilova dasturchisiga uzatiladi va keyingi qadamni ilovaning o'zi hal qiladi.

Hozircha funksiyaning asosiy kamchiligi shundaki, u sukut bo'yicha o'chirilgan holatda bo'lib, uni sozlamalardan maxsus yoqish talab etiladi. Biroq, xavfsizlikni kuchaytirish maqsadida ushbu funksiyani o'chirishga urinilganda 24 soatlik kechikish davri qo'llanilishi jinoyatchilarning rejasini yo'qqa chiqarishi mumkin.