Tesla Autopilot ishi bo'yicha suddan tashqari kelishuvga erishdi

Tesla kompaniyasi 2023-yilda sodir bo'lgan fojiali avariya yuzasidan ochilgan sud ishini yopish uchun maxfiy kelishuvga erishdi. Kaliforniya federal sudiga taqdim etilgan ma'lumotlarga ko'ra, bu qadam kompaniyaga hakamlar hay'ati sudidan qochish imkonini berdi.

Mazkur sud ishi Model S avtomobilining Autopilot rejimida harakatlanayotib, to'xtab turgan o't o'chirish mashinasiga borib urilishi oqibatida yuzaga kelgan edi. Ushbu fojiali to'qnashuv natijasida haydovchi halok bo'lgan, uning ukasi esa og'ir tan jarohatlari olgandi.

Kelishuv shartlari oshkor etilmadi, biroq bu Tesla uchun muhim ahamiyatga ega bo'ldi. Kompaniya mazkur sud jarayoni orqali Ilon Maskning Autopilot tizimining imkoniyatlari haqidagi bayonotlari hakamlar hay'ati muhokamasiga qo'yilishining oldini oldi.

Avtonom boshqaruv tizimlari xavfsizligi va ularning real yo'llardagi ishlashi butun dunyo texnologiya hamjamiyati va haydovchilar e'tiborida qolmoqda. Ushbu sud ishi va uning yopilishi haydovchisiz texnologiyalar kelajagi hamda yuridik javobgarlik masalalarini yana bir bor dolzarb qilib qo'ydi