Alpine Linux RCE hujumidan keyin GitLab serverini qayta qurdi

Alpine Linux ochiq kodli loyihasi 20–21 oktyabr kunlari o'zining dasturiy ta'minot infratuzilmasiga qilingan kiberhujumdan so'ng GitLab serverini noldan qayta tiklashga majbur bo'ldi. Hakerlar Docker konteynerlari uchun asos bo'lib xizmat qiluvchi tizimning dasturlash muhitiga zarar yetkazishga urinishgan.

• Hakerlar CVE-2026-97229 deb belgilangan kodni masofadan turib bajarish (RCE) bo'yicha eng yuqori darajadagi xavfli zaiflikni nishonga olishdi.
• Jamoa kod bajarilganiga oid to'g'ridan-to'g'ri dalil topmadi, biroq yetarli loglar yo'qligi sababli xavfsizlikni to'liq kafolatlay olmadi.
• Xavfsizlik chorasi sifatida GitLab nusxasi noldan qayta yig'ildi va barcha foydalanuvchi parollari reset qilindi.

Zaiflik tafsilotlari va xavfsizlikdagi kamchiliklar CVE-2026-97229 bu GitLab tarkibidagi Ruby bilan birga keladigan Onigmo muntazam ifoda kompilyatoridagi butun sonning toshib ketishi zaifligidir. Ushbu kritik xato avtorizatsiyadan o'tmagan hujumchilarga serverda o'zboshimchalik bilan kod bajarish imkonini berishi mumkin edi. GitLab ushbu muammo haqida 12 oktyabrda ogohlantirib, patch chiqargan edi. Biroq Alpine dastlab yangilangan versiya o'rniga boshqa versiyani o'rnatgan, keyingi yangilanish ham muammoni to'liq yopmagan, chunki tuzatish Ruby dasturlash tiliga tegishli maxsus yamoqni talab qilgan va u Alpine konteynerida mavjud bo'lmagan. 20–21 oktyabr kunlari hujumchilar maxsus CI/CD konfiguratsiyalari yordamida tizimga hujum uyushtirib, ishchi jarayonlarning xatoga yo'l qo'lishiga sabab bo'lishdi.

Tekshiruv natijalari va yetkazilgan ehtimoliy zarar Aplines jamoasining tekshiruviga ko'ra, 27 oktyabrgacha bo'lgan davrda hech qanday ombor kommitlari, paketlari yoki relizlari buzib kirilmagani aniqlandi. Shuningdek, imzolash kalitlari GitLab serverida saqlanmagani bois ularning sizib chiqish xavfi yo'q edi. Shunga qaramay, agar hujum muvaffaqiyatli yakunlanganda, foydalanuvchi ma'lumotlari, parol xeshlari va CI/CD maxfiy kalitlari oshkor bo'lishi mumkin edi. Hakerlar Alpine GitLab konteyner obrazini ham yuklab olgani aniqlangan bo'lib, bu ularning ta'minot zanjiriga (supply chain) hujum tayyorlayotganidan dalolat beradi. Shubhalarni yo'q qilish uchun jamoa butun GitLab instansini qayta qurishga qaror qildi.

Muhim tavsiyalar va kelgusidagi qadamlar Alpine Linux foydalanuvchilarga GitLab parollarini o'zgartirishni va 27 oktyabrda e'lon qilingan hamda CVE-2026-97229 zaifligini yopuvchi Ruby 3.3.13 ni o'z ichiga olgan alpinelinux/gitlab:19.3.6 obraziga o'tishni tavsiya qiladi. Ushbu voqea DevOps infratuzilmasini o'z vaqtida yangilash naqadar muhimligini yana bir bor ko'rsatdi.