Bill Geyts sun'iy intellekt davridagi 20 yillik keskin o'zgarishlarga tayyorgarlik ko'rishga chaqirmoqda
Microsoft asoschisi Bill Geyts sun'iy intellekt texnologiyalari keyingi yigirma yil davomida jamiyatda ulkan va shiddatli o'zgarishlarni keltirib chiqarishini ta'kidladi.
Microsoft kompaniyasining hammuassisi va sobiq bosh direktori hamda Gates Jamg'armasi raisi Bill Geyts sun'iy intellekt kelajagiga bag'ishlangan navbatdagi chiqishini amalga oshirdi. Uning ta'kidlashicha, insoniyat tez orada texnologik taraqqiyotning g'oyat shiddatli va keskin davriga qadam qo'ymoqda.
Avgust oyining oxirida e'lon qilingan "Sun'iy intellektning notinch davri" nomli essesidan so'ng Geyts so'nggi oylarda keng jamoatchilik e'tiborida bo'lib, turli ommaviy axborot vositalari va intervyularda faol qatnashib kelmoqda.
Uning prognozlariga ko'ra, kelgusi yigirma yil mobaynida sun'iy intellekt global miqyosda barcha sohalarga, jumladan, iqtisodiyot, ta'lim va kundalik turmush tarziga chuqur ta'sir ko'rsatadi.
Bu kabi global o'zgarishlar O'zbekiston kabi jadal rivojlanayotgan raqamli bozorlar uchun ham muhim ahamiyatga ega bo'lib, kelajakdagi texnologik va ijtimoiy chaqiruvlarga oldindan tayyorgarlik ko'rish zarurligini anglatadi.
