LG televizorlari oflayn rejimda ham foydalanuvchilarni kuzatayotgani aniqlandi
Gamers Nexus kanalining yangi hisobotiga ko'ra, LG smart televizorlari hatto tarmoqdan uzilgan yoki kutish rejimida bo'lganda ham ma'lumotlarni yig'ishda davom etmoqda.
Gamers Nexus YouTube kanali tomonidan e'lon qilingan so'nggi hisobot texnologiya olamida jiddiy muhokamalarga sabab bo'ldi. Unga ko'ra, LG smart televizorlari o'z egalari va ularning uylari haqidagi ma'lumotlarni deyarli to'xtovsiz qayd etib, kompaniya serverlariga yuklab kelmoqda.
Ma'lum bo'lishicha, ushbu qurilmalar hatto oflayn holatda yoki kutish rejimida turganda ham faolligini saqlab qoladi. Televizorlar yaqin-atrofdagi qurilmalarni aniqlash uchun Wi-Fi tarmoqlarini skaner qiladi va o'rnatilgan mikrofonlar orqali ovozli yozuvlarni amalga oshiradi.
Shuningdek, qurilma audio va video namunalarni yig'ish texnologiyalaridan foydalangan holda foydalanuvchilarning shaxsiy hayotiga aralashishi mumkinligi aniqlangan. Ushbu holat aqlli maishiy texnika vositalarining xavfsizligi va maxfiyligi borasidagi xavotirlarni yana bir bor oshirib yubordi.
O'zbekistonda ham so'nggi yillarda LG smart televizorlari juda ommalashgani va ko'plab xonadonlardan joy olgani sababli, bu kabi xabarlar mahalliy iste'molchilar uchun ham muhim ahamiyat kasb etadi. Texnologiya ixlosmandlari o'z shaxsiy ma'lumotlarini himoya qilish uchun qurilmalarning maxfiylik sozlamalariga alohida e'tibor qaratishlari lozimligini ko'rsatmoqda.
