Magnit bo‘ronlari 2026-yil noyabr: Yer yuzini geomagnit g‘alayonlar kutmoqda

5-noyabr oqshomidan boshlab Quyoshda chaqnash faolligining keskin oshishi kuzatilmoqda. Hozircha o'ta yirik hodisalar qayd etilmagan bo'lsa-da, ularning umumiy jadalligi sezilarli darajada oshdi va faollik indeksi o'n balli shkala bo'yicha 2 balldan 5 ballga ko'tarilib, to'q sariq zonaga o'tdi.

Quyosh faolligi bo'yicha asosiy faktlar: - Quyosh faolligi indeksi 2 balldan 5 ballgacha ko'tarilib, o'q sariq zonaga kirdi. - 5-noyabr kuni 4566-raqamli dog'lar hududida sodir bo'lgan M3.6 sinfidagi chaqnash 10-oktabrdan beri eng kuchlisi bo'ldi. - Birinchi G1 darajasidagi magnit bo'ronlari 6-noyabrdan 7-noyabrga o'tar kekasi kutilmoqda va 5-7 kungacha cho'zilishi mumkin.

Yangi dog'lar guruhi va chaqnashlar xavfi Faollashuvning boshlanishi 5-noyabr kuni 4566-raqamli quyosh dog'lari hududida yuzaga kelgan M3.6 sinfidagi chaqnash bo'ldi. Bu ko'rsatkich 10-oktabrdan buyon eng kuchlisi sifatida qayd etildi va mutaxassislarning e'tiborini tortdi. Biroq olimlarni quyosh diskining sharqiy chekkasida yana bir dog'lar guruhi paydo bo'layotgani ko'proq tashvishga solmoqda. Agar u yirik bo'lib chiqsa, mavjud faol hudud bilan birgalikda kelasi haftaning birinchi yarmida kutilganidan ham kuchliroq quyosh chaqnashlarini keltirib chiqarishi mumkin.

Ulkan toj teshigining ta'siri O'z navbatida, Yer sari 2026-yildagi eng yirik toj teshiklaridan birining ta'siri ham yo'naltirilgan bo'lib, bu sayyoramiz magnitosferasiga jiddiy xavf tug'diradi. Ushbu hududdan chiqayotgan quyosh shamoli oqimlari uzoq muddatli geomagnit tebranishlarni keltirib chiqarishi kutilmoqda. Ilmiy proglnozlarga ko'ra, dastlabki geomagnit bo'ronlar 6-noyabrdan 7-noyabrga o'tar kekasi boshlanadi. Tebranishlar davri 5-7 sutkagacha cho'zilishi mumkin, shuningdek, navbatdagi bo'ronlar 8-noyabr sanasiga ham rejalashtirilgan.

Oqibatlar va tavsiyalar Toj teshigi ta'siriga chaqnashlar faolligining qo'shilishi geomagnit bo'ronlarning juda kuchli darajagacha yetishiga sabab bo'lishi mumkin. Dastlabki dovullar G1 toifasiga baholanmoqda, ammo vaziyat o'zgarishi ehtimoldan xoli emas. Bunday uzoq davom etuvchi magnit bo'ronlari aloqa tizimlari, sun'iy yo'ldosh navigatsiyasida nosozliklar keltirib chiqarishi hamda ob-havoga o'ta sezgir insonlarning salomatligiga ta'sir qilishi mumkin. Mutaxassislar kosmik ob-havo yangiliklarini kuzatib borishni tavsiya qiladilar.