Voyager 1 bir yorug'lik kuni masofasiga yetib boradi

Yupiter va Saturnni kuzatish bo'yicha besh yillik dastlabki missiya uchun mo'ljallangan Voyager 1 kosmik apparati deyarli 50 yillik parvoздан so'ng Yerрan bir yorug'lik kuni masofasiga yetib kelmoqda. NASA ma'lumotlariga ko'ra, kosmik zond ushbu muhim marraga 2026-yil 18-noyabrda yetib boradi va insoniyat tarixidagi eng uzoqdagi sun'iy obyekt maqomini mustahkamlaydi.

• Kosmik zond bir yorug'lik kuni masofasini bosib o'tish uchun deyarli 50 yil sarfladi.
• Tarixiy voqea 2026-yil 18-noyabr tongida sodir bo'lishi kutilmoqda.
• Umumiy masofa taxminan 16 milliard mil yoki 26 milliard kilometrni tashkil etadi.
• Mutaxassislar dastlabki besh yillik missiya muddatini deyarli o'n barobarga uzaytirishga muvaffaq bo'lishdi.

Bir yorug'lik kuni masofasi nimani anglatadi

Bir yorug'lik kuni bu vaqt oralig'i emas, balki yorug'lik 24 soat davomida bosib o'tadigan masofadir. Yorug'lik sekundiga taxminan 300 000 kilometr tezlikda harakatlanishini hisobga olsak, bu taxminan 16 milliard mil masofaga teng keladi. Taqqoslash uchun, Oy Yerdan 384 400 kilometr uzoqlikda joylashgan bo'lsa, Yer va Quyosh orasidagi masofa 149,6 million kilometrni tashkil qiladi.

Voyager 1 ning Quyoshga nisbatan taxminiy tezligi soatiga 37 844 milni tashkil qiladi. Shunga qaramay, apparatning o'ta uzoqligi sababli aloqa kechikishi 22 soatdan oshib ketgan, signalning borib-kelishi esa kamida 45 soatni talab qiladi. Shuning uchun muhandislar har bir texnik operatsiyani juda ehtiyotkorlik bilan rejalashtirishga majbur.

Texnik qiyinchiliklar va quvvat manbalari

Koinotning chekka hududlarida ishlash ko'plab xavf-xatarlar bilan bog'liq. 2024-yilda apparat xotirasida jiddiy xatolik yuzaga kelgan bo'lib, mutaxassislar uni haftalab davom etgan diagnostikadan so'ng tuzatishga muvaffaq bo'lishdi. Joriy yil boshida esa quvvat darajasining kutilmaganda pasayishi sababli NASA favqulodda o'chirish tartibidan foydalanishga majbur bo'ldi.

Apparatni quvvatlantiruvchi uchta radioizotop termoelektrik generatori 2030-yillargacha ishlash uchun yetarli energiya zahirasiga ega. Agar boshqa jiddiy muammolar yuzaga kelmasa, zond yulduzlararo fazodan ma'lumotlarni Yerga uzatishda davom etadi.

Keyingi yo'nalish va kelajakdagi reja

Sayohatini davom ettirayotgan Voyager 1 hozirda Kichik Ayiq yulduz turkumidagi AC +79 3888 (Gliese 445) nomli yulduz tomon yo'naltirilgan. Apparat yulduzdan 1,7 yorug'lik yili masofasidan o'tishi kutilmoqda. Biroq zondning hozirgi tezligini hisobga olsak, keyingi manzilga yetib borish uchun yuz minglab yillar kerak bo'ladi.